Tesla Model 3 开订现人龙 今晚网上继续有得订T

Tesla Model 3 开订现人龙 今晚网上继续有得订TTesla Model 3 开订现人龙 今晚网上继续有得订T

获誉为「平民版 Tesla」嘅 Model 3 今日正式喺 Showroom 接受预订,订金只係港币  $10,000,吸引咗唔少人一早到门市预订,虽然冇公布香港区订单数量,但单单係荃湾门市今早已经有约三、四十人排队等候预订买车,认真巴闭!

Tesla Model 3 为 Model 系列第三款电动车,今晚先正式发布新车售价同性能详情;有传闻就指,新车体积比 Tesla Model S 细 20%,由 0 至 60 英里加速只需要 4 秒,车门採用 Model X 一样嘅翼形设计。虽然样都未见呀,但依然吸引到唔少人趋之若鹜,皆因可以「订住先」,今日起全线 Showroom 接受预订,订金只要 $10,000,而且官方讲明,假如未正式确认架车嘅配置想取消预订,订金可以全数退回,难怪吸引咁多人排队啦。

咁係咪一定要亲身去 Showroom 订车呢?又唔係。今晚发布会期间,Tesla 就会接受网上预订,即係 4 月 1 日上午 11:30 后大家就可以到官网预订,不过轮候交车优先次序可能较后咁解。交车时间方面,Tesla 官方就话将于 2017 年底开始交车,北美洲西岸将会是首批交车地区,其次是亚洲,之后先到右軚版本。咁即係香港几时有车?係咪 2019 年?话唔埋,等住先啦,但有车的话会係 Model S 同 Model X 车主优先有车啰。

21:13 更正:Tesla Model 3 为 Model 系列第三款电动车。

上一篇: 下一篇: